Haqqımızda


Haqqımızda

JALAL-İ Tədris Mərkəzi 2002-ci ilin may ayında Calal Kamal oğlu Məhərrəmovun rəhbərliyi altında fəaliyyətə başlamışdır. Fəaliyyətə başladığıilk günlərdən kurs və təhsil ocaqları arasında öz peşəkarlığı, tədris keyfiyyəti və müştəri məmnuniyyəti ilə xüsusi seçilmişdir. Hələ 2002-2003-cü illərin məzunları təhsil və karyera sahəsində yüksəlmiş, adımızı və əlbəttə ki, doğma vətənimiz Azərbaycanı xarici ölkələrdə də ləyaqətlə təmsil etmışlər. Tələbələrimizin və onların tövsiyəsi ilə bizə müraciət edən növbəti nəsillərin nəticələri ilə qürurlandığımızı və eyni xidməti bizə etimad göstərən hər bir tələbəyə göstərmək arzusunda olduğumuzu sizin diqqətinizə çatdırırıq.

Hədəfimiz hər bir müştərimizi professional və keyfiyyətli təhsil və xidmətlərlə təmin etmək, Azərbaycanın gələcəyi və inkişafı naminə gənc nəsillərin daha bilikli, düşüncəli və intellektual yetişməsidir.

Komandamız JALAL-I-nin işçi heyəti yüksək səviyyədə ünsiyyətcil, bacarıqlı, yerli və xarici universitetlərin məzunları, müəllimləri, yerli və xarici şirkətlərdə məsul vəzifələrdə çalışmış işçilər və mütəxəssislərdən ibarətdir.

Fərqimiz tədris sistemimizin hər kəsin bilik və bacarığına uyğun olması, təhsildə yeniliklərə daha çox önəm verməyimizdir. Fəaliyyətə başladığımız gündən daim misilsiz xidmət göstərmiş və rəğbət qazanmışıq. Hər gün yeniləşən, inkişaf edən ölkəmizdə yaşayan insanların yüksək intelektə malik olmasının vacibliyini düşünərək çətin, məsuliyyətli, amma olduqca şərəfli olan bu işi öz üzərimizə götürməyi borc bilirik.

Hər bir kəsin öyrənmə qabiliyyəti fərqlidir və biz bunun fərqindəyik. Onunçün sevgi ilə öyrədilənlərin qalıcı olacağına inanırıq. Tələbələrimizin qayğısına qalmaq, onları dinləmək, onların gözü ilə dünyaya baxmaq və ən əsası onların təhsildə və təlim prosesində qarşılarına çıxan problemlərini həll etmək müəllim və idarə heyyətimizin başlıca vəzifələrindəndir. Hər bir tələbəyə fərdi yanaşma işimizin əsas düsturlarından biridir.

Sizlərə müasir avadanlıq və vasitələrlə təchiz edilmiş dərs otaqlarında əylən - öyrən prinsipi əsasında hər kəsin bilik və bacarığına uyğun tədris sistemi təklif edirik.

FƏRQİMİZİ ÖZÜNÜZ GÖRÜN!!!

15-ci tədris ilimizə bizimlə birgə addımlayın!