İtalyan dili

İtalyan dili (italiano) latın mənşəli roman dillərindən biridir və dünyanın ən melodik və gözəl dillərindən sayılır. Onun formalaşması orta əsrlərdə, xüsusilə 9-14-cü əsrlər arasında baş verib. İtalyan dili Vulqar Latın (adi xalqın danışdığı Latın dili) əsasında inkişaf edib. Qədim Romada klassik Latın dili yazı və rəsmi sənədlərdə istifadə olunsa da, xalq arasında danışıq dili fərqli idi. Roma imperiyasının dağılmasından sonra (V əsr) Latın dili müxtəlif bölgələrdə fərqli şəkildə inkişaf etdi və Roman dilləri (ispan, fransız, portuqal, rumın və italyan) meydana gəldi.

Dante və Müasir İtalyan Dilinin Əsası (XIV əsr)

Dante Alighieri, "İlahi Komediya" əsərini yazaraq Florensiya ləhcəsini məşhurlaşdırdı. Dante, Giovanni Boccaccio və Francesco Petrarca kimi ədiblər sayəsində Florensiya dialekti tədricən standart italyan dili oldu. 1861-ci ildə İtaliya birləşdikdən sonra Florensiya dialekti rəsmi İtalyan dili elan olundu. Televiziya, məktəblər və rəsmi dövlət qurumları vasitəsilə bu standart dil bütün ölkədə yayıldı. XX əsrdə italyan dili tədricən xalqın böyük hissəsi tərəfindən danışılan vahid dilə çevrildi. Günümüzdə təxminən 85 milyon insan bu dildə danışır. İtaliya, Vatikan, San Marino və İsveçrədə rəsmi dildir. Latın mənşəli dildir – Fransız, ispan və portuqal dillərinə yaxındır. Qrammatik cəhətdən İngilis və alman dilləri ilə müqayisədə nisbətən asandır. İtaliya, İsveçrə San Marino, Vatikanın rəsmi dili hesab edilir. İtalyan dili Avropa İttifaqının rəsmi dillərindən biridir. 

İtalyan dili melodik və öyrənilməsi maraqlı bir dildir. Əgər düzgün metodlardan istifadə etsəniz, onu asan və effektiv şəkildə öyrənə bilərsiniz. İtalyan dili Latın dilindən inkişaf etmişdir və Latın dilinə ən yaxın müasir dildir. İtaliyada çox sayda yerli ləhcə mövcuddur. Məsələn, Neapolitan, Sicilian və Venesiya ləhcələri italyancadan kifayət qədər fərqlidir. Müasir İtalyan dili əsasən Dante Alighieri-nin "İlahi Komediya" əsərində istifadə etdiyi Florensiya ləhcəsinə əsaslanır.  İtalyan dili fonetik cəhətdən açıq və nisbətən asan tələffüzə malikdir, çünki sözlər yazıldığı kimi oxunur.

İtalyanca bilməyin əhəmiyyəti:

İtalyan dili öyrənmək təhsil, iş, mədəniyyət və şəxsi inkişaf baxımından bir çox üstünlüklər yaradır. Əgər siz moda, musiqi, incəsənət, səyahət və ya beynəlxalq iş imkanları ilə maraqlanırsınızsa, italyan dili mütləq öyrənməli olduğunuz dillərdən biridir! 

İtalyan dili öyrənmək sənət, ədəbiyyat, moda və kulinariya dünyasına daha dərindən daxil olmağa imkan verir. Dante, Petrarka, Bokkaçço, Leonardo da Vinçi, Mikelancelo, Verdi, Puççini kimi dahilərin dilini başa düşmək böyük üstünlükdür. Dünyada musiqi dili kimi tanınır – Musiqidə istifadə edilən terminlərin çoxu (piano, forte, allegro və s.) italyanca olduğu üçün İtalyan dili beynəlxalq musiqi dili hesab olunur.

İtaliya dünyada ən çox turist cəlb edən ölkələrdən biridir. Əgər İtaliyaya səyahət etməyi planlaşdırırsansa, italyan dilini bilmək sənə yerli insanlarla daha yaxşı ünsiyyət qurmağa və səyahətdən daha çox zövq almağa kömək edəcək. İtalyan dili Roman dillərinə aiddir. Əgər italyanca öyrənsən, fransız, ispan, portuqal və rumın dillərini daha asan mənimsəyə bilərsən.

İtalyan dilini necə öyrənim?

JALAL-I Tədris Mərkəzi, İtalyan dilini öyrənmək istəyənlər üçün peşəkar kurslar təklif edir. Kurslar haqqında əsas məlumatlar bunlardır.

Tədris Proqramı:

• Qrammatika: İtalyan dilinin qrammatik strukturları və cümlə quruluşu.
• Söz Ehtiyatı: Gündəlik danışıqda istifadə olunan əsas sözlər və ifadələr.
• Danışıq və Dinləmə: Danışıq bacarıqlarının inkişafı və dinləmə məşqləri.
• Oxuma və Yazma: Mətnlərin anlanması və yazılı ifadə bacarıqlarının təkmilləşdirilməsi.
• Mədəniyyət: İtalyan mədəniyyəti, ənənələri və tarixi haqqında məlumatlar.

Dərs Cədvəli və Müddəti:

• Dərslər: Həftədə 3 dəfə, hər biri 1 saat olmaqla keçirilir.
• Kurs müddəti: 0-dan başlayan tələbələr üçün 4-6 ay ərzində müəyyən nitq səviyyəsinə çatmaq mümkündür.

Qiymətlər:

• Fərdi dərslər: Aylıq 190 AZN.
• Qrup dərsləri: Aylıq 130 AZN.

Əlavə İmkanlar:

• Sınaq dərsi: İlk dərs  sınaq dərsi olaraq təqdim edilir.
• Sertifikat: Kursu uğurla tamamlayan tələbələrə beynəlxalq səviyyədə tanınan sertifikat verilir.
•  Tədris materiaları: Kurs müddətində istifadə edilən dərs vəsaitləri, video və audio materiallar kurs tərəfində depozitlə verilir.

İtalyan dili kursları peşəkar və həvəskar olaraq öyrənmək istəyən hər kəsi mərkəzimizə dəvət edirik.